Ministri i Brendshëm në detyrë, Xhelal Sveçla, ka shkuar në Malishevë prej nga tha se gjendja është nën kontroll dhe se nga zonat më të rrezikuara janë evakuuar banorët.
Malisheva është një prej komunave më të prekura nga vërshimet si pasojë e reshjeve të dendura që nga mbrëmë. Shumë rrugë janë bllokuar nga rritja e nivelit të lumenjve e përroskave. Komuna u ka apeluar qytetarëve që të kenë kujdes dhe të shmangin sa më shumë lëvizjet e panevojshme.
