Shefi i NATO-s, Jens Stoltenberg, i ka bërë thirrje Kosovës dhe Serbisë që të angazhohen në dialogun e lehtësuar nga Bashkimi Evropian, duke e quajtur atë si “mënyrën e vetme për paqe e normalizim”.
Stoltenberg në një postim në Twitter i ka bërë thirrje palës kosovare që të “mos marrë veprime të njëanshme dhe hapa destabilizues”. Ai ka thënë se ka biseduar me Përfaqësuesin e Lartë të BE-së për Politikë të Jashtme, Josep Borrell për situatën në Kosovë.
Stoltenberg ka thënë se KFOR-i do të vazhdojë të sigurojë një ambient të sigurtë për të gjithë.
“Kam biseduar me Përfaqësuesin e Lartë të BE-së, Josep Borrell për Kosovën. Prishtina dhe Beogradi duhet të angazhohen tash në dialogun e lehtësuar nga BE-ja, si rruga e vetme për paqe e normalizim. Prishtina duhet të depërshkallëzojë dhe të mos marrë hapa të njëanshëm e destabilizues. NATO_KFOR do të vazhdojë të përkujdeset për një ambient të sigurtë”, ka shkruar Stoltenberg në Twitter./Koha.net/
Spoke to HR/VP @JosepBorrellF about #Kosovo. Pristina & Belgrade must engage in the EU-led dialogue now, as the only way to peace & normalisation. Pristina must de-escalate & not take unilateral, destabilising steps. @NATO_KFOR will continue to ensure a safe & secure environment.
— Jens Stoltenberg (@jensstoltenberg) May 28, 2023