Kompania “Eskavatori”, e cila është duke kryer punimet në projektin e rekonstruimit të rrugës Prizren-Prevallë, njofton se edhe sot (15.03.2024) nga ora 11:00 deri në orën 18:00, do të jetë e mbyllur kjo rrugë për qarkullim deri në përfundimin e minimit të kësaj pjese të rrugës si dhe deri në kohën kur do të bëhet pastrimi i saj, për të mundësuar qarkullim të sigurt të automjeteve.
Sipas kompanisë, minimi i radhës bëhet në të njëjtin vend ku është intervenuar kohë më parë, në kilometrin e parë të rrugës Prizren- Prevallë, si intervenim i domosdoshëm, pasi aty ndodhet një shkëmb masiv dhe gërmimi me eskavator është i pamundshëm.
