Sot mbi vendin tonë parashihet të mbajë mot kryesisht i vranët, me reshje shiu dhe bore.
Sipas Institutit Hidrometeorologjik të Kosovës, si pasojë e ndryshimit të situatës meteorologjike, parashikimi i mëhershëm ka pësuar ndryshime të lehta, ku perpos rigave te shiut parashihen edhe reshje bore.
Temperaturat minimale do të lëvizin ndërmjet -1 deri 1gradë Celsius, ndërsa maksimalet e ditës parashihen të lëvizin ndërmjet 1-2 gradë Celsius.
“Vorbulla polare ka fuqizuar aktivitetin e saj, duke krijuar kushte për ulje të temperaturave, sidomos atyre maksimaleve duke mundësuar ndryshime të lehta të parametrave meteorologjik” deklaron IHMK-ja.
