Prishtina dhe Ballkani do të përballen në finalen e madhe të Kupës së Kosovës për edicionin 2023/24.
Dy ekipet do ta kërkojnë trofeun e Kupës së Kosovës në ndeshjen finale e cila zhvillohet me fillim nga ora 15:00 në stadiumin ‘Rexhep Rexhepi’ në Drenas.
Prishtina kërkon ta mbrojë trofeun e Kupës së Kosovës të fituar edhe edicionin e kaluar, kurse Ballkani pasi ka mbrojtur titullin e kampionit kërkon trofeun e dytë sezonal.
Për Prishtinën kjo do të jetë hera e 12-të që është në finale, derisa ka fituar nëntë herë trofeun e çmuar të Kupës së Kosovës.
Kurse, Ballkani ende nuk e ka këtë trofe dhe synon që ta fitoj për herë të parë në historinë e klubit.
Ballafaqimi ndërmjet Prishtinës dhe Ballkanit pritet të jetë i zjarrtë në fushë, derisa në tribuna spektakël kanë premtuar ‘Plisat’ e Prishtinës dhe ‘Xhebrailat’ e Ballkanit.
Klikoni KËTU për tu bërë pjesë e kanalit të TV Prizreni në Youtube.
