I dërguari i posaçëm i Bashkimit Evropian për dialogun mes Kosovës dhe Serbisë, Peter Sorensen, pas takimeve që ka zhvilluar me presidenten Vjosa Osmani dhe kryeministrin Albin Kurti, ka deklaruar se qëllimi i dialogut është arritja e pajtueshmërisë, ndërsa kompromiset përcaktohen nga palët.Sorensen është pyetur nga gazetarët nëse ka ndonjë ndryshim në dialog, por ai ka theksuar se do të punojë në mënyrën e tij.
Sorensen: Dialogu ka për qëllim pajtimin, kompromiset caktohen nga palët
“Dialogu ka për qëllim pajtimin, dhe tani kompromiset përcaktohen nga palët, por ky është dialogu, këtë e kemi bërë nga viti 2012. Është thënë që dialogu do të ndryshojë, ne jemi të ri në fakt, dhe si lehtësues do të punojë në mënyrën time, ja kështu do të jetë”, ka theksuar ai pasi është pyetur se nëse duhet që Kosova dhe Serbia të bëjnë kompromise ne dialog.Ai është pyetur edhe për mbylljen e institucioneve paralele serbe në veri, dhe u përgjigj duke thënë se “duhet të punojmë që njerëzit të shërbehen në mënyrën më të mirë të mundshme dhe do të përpiqemi ta bëjmë këtë”.
Vizita e Sorensenit në Prishtinë ishte e para, por ai ende nuk e ka ndërmjetësuar ndonjë takim të dialogut mes Kosovës dhe Serbisë në Bruksel.Ai e mori detyrën më 1 shkurt, duke e pasuar Mirosllav Lajçakun
Klikoni KËTU për tu bërë pjesë e kanalit të TV Prizreni në Youtube.
Të tjera nga rubrika
Publikohet formacioni i Kosovës për ndeshjen ndaj Irlandës
Tre vjet nga rënia e Afrim Bunjakut, 11 policë nderohen me Medalje për Shpëtim Jete
Shqipëria në trevjetorin e Banjskës: Nuk mund të ketë paqe të qëndrueshme pa llogaridhënie
