“Skandaloze”, “S’ka sllogan që e ndryshon realitetin tonë”, politikanët reagojnë pas sjelljes së tifozëve rumunë ndaj futbollistëve dardanë

“Skena të papranueshme në Bukuresht. Tifozët rumunë provokojnë kombëtaren e Kosovës me një pankartë propagandistike serbe. Kjo është skandaloze! Kosova është e pavarur, dhe politika nuk ka lidhje me sportin”, ka shkruar Pacolli.

Edhe kryetari i PDK-së, Memli Krasniqi ka reaguar lidhur me këtë sjellje të tifozëve rumunë.

“S’ka sllogan që e ndryshon realitetin tonë!  Që nga 17 shkurti i vitit 2008, Kosova është shtet i pavarur, ndërkaq, që nga 3 maji i vitit 2016, Kosova është anëtare me të drejta të plota në UEFA. Slloganet politike, koret fashiste, fishkëllimat e sharjet drejt djemve tanë dhe Kosovës në Rumani – nuk na ndalin”, ka shkruar Krasniqi në një reagim në “Facebook”.

Kjo përmbajtje ofrohet nga Facebook. Duke e ngarkuar, pranoni që Facebook të vendosë cookies.Shfaq përmbajtjenLejo gjithmonë

Ai ka shtuar se Kosova, si shtet dhe si kombëtare futbollistike, do të paraqitet me krenari gjithandej nëpër botë, edhe ku nuk na duan e posaçërisht aty.

“Kemi punuar shumë për këtë ditë dhe nuk dorëzohemi para fashistëve të vegjël turbofolk. E përjetshme është Kosova!”, ka shkruar Krasniqi.

Reagim ka pasur edhe nga shefi i Grupit Parlamentar të AAK-së, Besnik Tahiri i cili ka thënë se kjo është turp për sportin.

“Kjo nuk ka lidhje me sportin, kjo është turp për sportin. Tre pikë janë më e pakta si kompensim moral ndaj dëmit që tifozeria rumene, pro serbe, i shkaktoi imazhit dhe reputacionit të ekipit së Republikës së Kosovës”, ka shkruar Tahiri. /Telegrafi/

Kjo përmbajtje ofrohet nga Facebook. Duke e ngarkuar, pranoni që Facebook të vendosë cookies.Shfaq përmbajtjenLejo gjithmonë