Një anëtare organizuese e Katarit për Kupën e Botës ka pohuar se tre zyrtarëve afrikanë iu ofruan ryshfet për të mbështetur ofertën e tyre për të organizuar eventin.
The Sun raporton se një zyrtare i bëri akuzat në serialin shpërthyes të Netflix, FIFA Uncovered.
Phaedra Almajid, e cila ishte përgjegjëse për shtypin ndërkombëtar rreth ofertës, pretendon se Issa Hayatou i Kamerunit, Jacques Anouma nga Bregu i Fildishtë dhe Amos Adamu i Nigerisë iu ofruan 2.3 milionë euro për votën e tyre.
Phaedra Al-Majid
Katari ishte në garë me Australinë, Japoninë, Korenë e Jugut dhe ShBA-në për ofertën e tyre për Kupën e Botës të vitit 2022.
Almajid pretendon se Hassan Al Thawadi, i cili kryesoi ofertën, ofroi një shumë serioze për shefat e futbollit afrikan për të siguruar votën e tyre.
Ajo i tha dokumentarit, nëpërmjet The Times: “Ne po flisnim se si Afrikës i ishte dhënë shansi për të pritur Kupën e Botës dhe se si botës arabe duhet t’i jepej shansi i saj, dhe më pas Hassan i ofroi Hayatou 1 milion euro për federatën e futbollit të Hayatou (Kamerunit) dhe në këmbim donim votën e tij”.
“Më kujtohet se aty vetëm qeshja dhe më pas ai tha se kjo nuk mjaftonte, dhe kështu çmimi u ngrit në 2.3 milionë euro”.
“Ishte kaq e thjeshtë: ‘Ne do t’ju japim këto para për federatën tuaj të futbollit, ju na jepni votën tuaj dhe ju falënderojmë shumë”.
“Një nga një bëmë të njëjtën gjë me Anouma dhe Adamu. 2.3 milionë euro iu ofruan secilit anëtar atë mbrëmje në këmbim të votës së tyre. Ishte verbale, nuk kam parë kurrë para”.
Ajo pretendon se oferta erdhi në një takim të federatave afrikane të futbollit në janar të vitit 2010.
Megjithatë, ajo thekson se oferta e propozuar iu është bërë federatave dhe jo individëve.
Ish-zyrtari i FIFA-s, Issa Hayatou. Kredia: Action Plus Sports Images / Alamy
Foto: Ish-zyrtari i FIFA-s, Issa Hayatou
Ajo shtoi: “U bë shumë e qartë se paratë po shkonin për futbollin, nuk u tha kurrë se do të shkojnë në xhepin tuaj, duhet ta theksoj këtë. Ku përfunduan nuk e kam idenë”.
“Para se të kthehesha në dhomën time të hotelit, Hassan më tha: ‘Ti nuk duesh t’ia tregohsh më kurrë këtë askujt’ dhe unë thashë në rregull”.
Almajid më parë kishte zbuluar në mënyrë anonime ofertat për Sunday Times pasi u shkarkua, megjithatë, më vonë tërhoqi pretendimet e saj pasi u kërcënua nga Katari.
Ajo shpjegoi në dokumentar: “Po filloj të marr kërcënime, telefonata anonime, email, media sociale. Në thelb më thanë ose ju nënshkruani një deklaratë nën betim që deklaron se keni gënjyer ose përndryshe ne do t’ju ndjekim ligjërisht”.
Hassan El-Thevadi. Kredia: Action Plus Sports Images / Alamy.
Foto: Hassan Al Thawadi
Al Thawadi i ka mohuar pretendimet, sipas The Sun.
“Reagimi im, veçanërisht për situatën e Phaedra, është zhgënjim. Ato janë në thelb të rreme dhe ka fakte në terren që vërtetojnë se ato janë të rreme”, ka bërë të ditur ai. /Telegrafi/
