Bashkimi i Sindikatave të Pavarura të Kosovës ka shkuar për takim te presidentja Vjosa Osmani, në përpjekjet për të gjetur një zgjidhje rreth grevave të nisura qe një javë.
Para takimit, kreu i Sindikatës së Arsimit, Rrahman Jasharaj, ka thënë se deri tash ka munguar dialogu social me Qeverinë. Ai ka thënë se grevat do të vazhdojnë, ndërsa vendimin e Qeverisë për ndarjen nga 50 euro për muaj prej shtatorit për punëtorët e sektorit publik, e ka cilësuar si të njëanshëm.
“Jemi optimist se zonja presidente do të japë kontributin e saj që dialogu të jetë i vërtetë. Deri më tani ky dialog ka munguar dhe ky vendimi sot është u një anshëm pa u konsultuar me sindikatat. Greva vazhdon”, ka thënë Jasharaj.