Kryetari i Sindikatës së Pavarur të Sektorit Privat, Jusuf Azemi thotë se punëtorët e sektorit privat në Kosovë janë “kategori e grupit të tretë të njerëzimit”.
Kjo pasi siç thotë ai, Qeveria po stimulon me nga 50 e 100 euro shtesë sektorin publik, kurse ata privat duke i lënë anash.
Ai thotë se nëse dikush stimuluar atëherë janë punëtorët e sektorit privat, pasi ata janë më të varfër e paga dyfish më të vogla. E që në anën tjetër më së shumti financojnë buxhetin e shtetit.
“Këtë diskriminim na e pat bërë edhe regjimi i kaluar i Serbisë. Ne si duket jemi të lindur për keto diskriminimesh. Kjo fuqi punëtore do të ju mallkoi për diskriminimin e bërë”, thotë ai.
