Një shpikës ka gjetur një zgjidhje të re përmes së cilës ai shpreson që të jetë metodë më e shpejtë dhe e lehtë për të treguar nëse dikush është infektuar me COVID-19.Në vend të shkopinjve që futen në hundë për të marrë mostrën që testohet, Peter van Wees u ka kërkuar pjesëmarrësve që në një kabinë të izoluar të bërtasin ose këndojnë. Më pas, një filtrues ajri mbledh copëzat e lëshuara nga goja e tyre dhe analizohen.
Ai e ka vënë kabinën e tij afër një qendre testimi për koronavirus në Amsterdam për të provuar shpikjen e tij tek njerëzit që sapo janë testuar.
I gjithë procesi zgjatë rreth 3 minuta, shkruan Reuters.Një test përmes frymës ku pjesëmarrësve u kërkohet të fryjnë brenda një tubi është aprovuar muajin e kaluar në Amsterdam por ende nuk ka filluar të përdoret si metodë.