Komuna e Mitrovicës ka marrë vendim të ndajë 20 mijë euro ndihmë për familjen Brahimi nga Kçiqi, e cila u prek nga shpërthimi i bombolës së gazit.
Lajmi është bërë i ditur nga kryetari i Mitrovicës Bedri Hamza përmes një postimi sot në Facebook.
“Me qëllimin që t’iu dalim në ndihmë familjes Brahimi, të prekur nga shpërthimi natën e kaluar, Komuna e Mitrovicës do të merr vendim për ndarjen e 20,000 eurove”, ka shkruar ai, duke iu uruar shërim të shpejtë personave të lënduar.
Sipas Policisë së Mitrovicës, në një shpërthim nga bombola e gazit mbrëmë në Kçiq të Mitrovicës janë lënduar 13 persona.
Personat e lënduar janë dërguar për trajtim mjekësor në spitalin rajonal në Mitrovicë, prej nga janë transferuar në QKUK ku katër prej tyre i janë nënshtruar operimit për shkak të djegieve të shkallës së dytë dhe të tretë./Telegrafi/
Kjo përmbajtje ofrohet nga Facebook. Duke e ngarkuar, pranoni që Facebook të vendosë cookies.
Klikoni KËTU për tu bërë pjesë e kanalit të TV Prizreni në Youtube.
