Shoqata e Prokurorëve të Kosovës ka sfiduar në gjykatë vendimin e Qeverisë Kurti për uljen e pagave të prokurorëve dhe gjyqtarëve.
Burimet e gazetës Nacionale brenda kësaj shoqate kanë bërë me dije se dje pas ditë kjo shoqatë ka bërë padi në Gjykatën Themelore ndaj vendimit të Qeverisë për uljen e pagave të prokurorëve dhe gjyqtarëve.
I njëjti burim ka thënë se bashkë me padinë, Shoqata e Prokurorëve të Kosovës ka bërë edhe propozimin për shtyrjen e ekzekutimit të vendimit për uljen e pagave.
Kjo gjykatë pritet që brenda tri dite të marrë vendim rreth propozimit për shtyrjen e ekzekutimit të vendimit.
Pas vendimin të qeverisë për uljen e pagave të gjyqtarëve dhe prokurorëve, Shoqata e Prokurorëve të Kosovës kishte njoftuar opinionin publik se në koordinim me Këshillin Prokurorial të Kosovës do të ndërmerr veprime konkrete për kontestimin e vendimit të Qeverisë së Republikës së Kosovës për uljen e pagave të prokurorëve, përmes rrugëve ligjore dhe organeve gjyqësore vendimmarrëse.