Komuna e Prizrenit, ka filluar me realizimin e projektit për rehabilitimin e rrugës Vlashnje- Kobaj, ka njoftuar kryetari i BL të Vlashnjes, Petrit Hoxhaj.

Ai ka bërë të ditur se kjo rrugë do të jetë e mbyllur deri në përfundimin e saj brenda afatit të paraparë, ndërsa banorët e këtyre lokaliteteve duhet të shfrytëzojnë rrugët alternative për lëvizjen e tyre, ka njoftuar z. Hoxhaj.

“Ju njoftoj se kanë filluar punimet për rehabilitimin e rrugës kryesore Vlashnje – Kobaj, andaj për shkak të thellësisë së gërmimit në rrugë ajo do të bllokohet, prandaj luteni të shfrytëzoni rrugët alternative nga fshati Nashec.”, ka shkruar ai.