Shërbimi Korrektues largon nga puna mbikëqyrësin e burgut të Dubravës

I njëjti dyshohet se ka keqpërdorur pozitën zyrtare duke marrë ryshfet.

Vendimi është marrë nga Komisioni Disciplinor, njofton Shërbimi Korrektues i Kosovës.

“Shërbimi Korrektues i Kosovës mbetet i përkushtuar në luftimin e këtyre dukurive negative dhe do të ndërmerr të gjitha veprimet ligjore ndaj secilit individ, i cili është i përfshirë në veprime të tilla korruptive, pavarësisht rolit dhe funksionit që ka”, thuhet në njoftim.