Blerim Vela, shef i stafit të presidentes së Kosovës, Vjosa Osmani, ka thënë se Serbia ka udhëzuar strukturat e saj ilegale për të krijuar barrikadat në veri të Kosovës.
“Pjesëtarë të së ashtuquajturës ‘Civilna Zastita’ (Mbrojtja Civile) dhe disa ish-pjesëtarë të Policisë së Kosovës, që kanë dhënë dorëheqje në nëntor të këtij viti, janë duke krijuar barrikadat”, ka thënë Vela përmes një postimi në Twitter.
- Reklama -
Sipas tij, “Beogradi ka përgjegjësi të plotë për çfarëdo përshkallëzimi”.
Serbët kanë bllokuar rrugët kufitare në veri, pas arrestimit të një ish-polici të dyshuar për sulme ndaj zyrave të KQZ-së në veri e ndaj Policisë.
- Reklama -