Ish-zyrtari i lartë i NATO-s, Jamie Shea ka bërë thirrje që Serbia të mos anëtarësohet në Bashkimin Evropian, derisa ta njohë Kosovën si shtet të pavarur dhe t’i normalizojë raportet me të.
”Pikëpamja ime dhe që e kam deklaruar shumë herë, është se Serbia nuk duhet të bëhet anëtare e BE-së, derisa të ketë njohur zyrtarisht pavarësinë e Kosovës dhe të normalizojë marrëdhëniet e saj me të, përfshirë ndalimin e fushatës për ta mbajtur Kosovën jashtë organizatave ndërkombëtare”, u shpreh Shea për Klan Kosova.
