I pari i komunës së Prizrenit, Shaqir Totaj, është takuar sot me kryetarin e Këshillit të Bashkësisë Islame në Prizren, Besim Berisha.
Totaj përmes një postimi në faqen e tij zyrtare në Facebook, ka bërë të ditur se në takim është diskutuar për ngritjen e mbështetjes së KBI-së në Prizren nga komuna për shërbimet e varrimit dhe për shpejtimin e procesit të funksionalizimit të hapësirës së varrezave të reja në Landovicë.
Pjesë e diskutimit ishin dhe të gjitha projektet e përfunduara gjatë vitit të kaluar dhe planet rreth bashkëpunimit për këtë vit.
