Sapo është publikuar në you tube, kënga kushtuar heroit të Kosovës, Selajdin Berisha, nga artisti i mirënjohur i skenës muzikore, Shaqir Cërvadiku.

Kënga është shkruar nga, Milaim Islami, muzika nga ” Shpeta sound” ndërsa kënga është përcjellur në qifteli nga, Gent Hoxha. Xhirimet e videoklipit janë realizuar në varrezat dhe muzeun e dëshmorëve në Landovicë dhe para lapidarit të dëshmorëve në fshatin Lez.

Ndryshe, Selajdin Berisha, ka rënë heroikisht në betejën e lavdishme të 1 shtatorit të vitit 1998 në vendlindjen e tij, fshatin Lez, si zv/komandant i Policisë Ushtarake të UÇK-së për zonën e Vërrinit.