Presidenti i Serbisë, Aleksandar Vuçiq, deklaroi se Serbia ka filluar vaksinimin në komunat serbe në Kosovë.
Siç specifikoi ai me konfirmimin e Ministrit të Shëndetësisë, Zlatibor Lonçar, vaksinimi filloi sot në Qendrën Shëndetësore në Leposaviq, dhe gjatë ditës, vaksinimi do të fillojë edhe në Mitrovicën e Veriut.
Sidoqoftë, nuk është specifikuar se kush dhe sa njerëz do të marrin vaksinat.
Dozat e para të vaksinës amerikano-gjermane Pfizer BioNtech arritën në Serbi në fillim të kësaj jave, gjersa doza të reja priten më 4 janar dhe më pas më 11 janar.
