Kryetari i degës së Lidhjes Demokratike të Kosovës në Prizren, Driton Selmanaj, ka reaguar përmes një postimi në rrjetin social Facebook për çështjen e zgjedhjes së Presidentit të vendit.
Sipas tij, zgjedhja e Presidentit është përgjegjësi shtetërore dhe detyrim kushtetues, jo mjet për lojëra politike.
Reagimi i plotë:
Zgjedhja e Presidentit është përgjegjësi shtetërore dhe detyrim kushtetues, jo mjet për lojëra të ulëta politike politike.
Albin Kurti po e përdor këtë proces për ta thelluar krizën dhe mbajtur vendin të bllokuar e të izoluar.
Kjo nuk është rastësi. Kur mungojnë rezultatet në qeverisje, kur nuk ka gatishmëri politike dhe institucionale për vendime pragmatike për të ardhmen e vendit, kur nuk ka projekte madhore dhe investime që preken nga qytetarët, bllokada shndërrohet në strategji.
Në vend të zgjidhjeve, ofrohet krizë; në vend të përgjegjësisë, prodhohet tension dhe izolim.
Paaftësia për të qeverisur dhe ndërtuar politika zhvillimore po maskohet me përplasje të vazhdueshme dhe me një klimë të qëllimshme ngërçi që e çon vendin drejt zgjedhjeve të reja. Kjo është e dëmshme për shtetin dhe për secilin qytetar.
Kosova nuk ka nevojë për bllokada të planifikuara, por për lidership që zgjidh probleme, sjell investime dhe garanton stabilitet institucional.
Klikoni KËTU për tu bërë pjesë e kanalit të TV Prizreni në Youtube.
