Selmanaj: Vetëvendosje po synon nënshtrimin e institucioneve të pavarura

Sipas Selmanajt, brenda dy ditëve janë ndërmarrë veprime që, sipas tij, dëshmojnë për përqendrimin e ndikimit politik në institucione, duke përmendur dekretimin e Zejnullah Gashit si Kryeprokuror, emërimin e Feride Podvoricës si ushtruese e detyrës së Sekretares së Kuvendit dhe renditjen e Nora Kelmendit si kandidatja më e poentuar për pozitën e Drejtorit Ekzekutiv të Agjencisë Kosovare të Privatizimit.

Ai vlerësoi se këto zhvillime tregojnë një tendencë për kontroll politik mbi institucionet, ndërsa kritikoi opozitën për mungesë reagimi. Selmanaj tha se heshtja përballë përqendrimit të pushtetit rrezikon demokracinë dhe bëri thirrje për reagim dhe përgjegjësi në mbrojtje të institucioneve.