Kryetari i degës së Lidhjes Demokratike të Kosovës, Driton Selmanaj me bashkëpuntorët e tjerë nga ky subjekt politik, kanë vizituar bashkatdhetarët tanë në Budapest të Hungarisë.
Selmanaj ka falënderuar bashkatdhetarët hasjanë që jetojnë dhe veprojnë në këtë vend për mikpritjen, teksa ka kërkuar mbështetjen e tyre në zgjedhjet e 9 shkurtit, duke thënë se përmes programit të LDK-së, Kosova do të arrijë zhvillimin dhe progresin e duhur.
“Nderë i veçantë që bashkë me kolegët nga dega e LDK-së në Prizren, Haziz Hodajn, Shaban Osmanaj, Vahid Karavidaj dhe Kemajl Gegollajn, t’i takojmë bashkatdhetarët tanë në Hungari. Kësaj radhe Budapesti na bëri bashkë me bashkatdhetarët të cilët jetojnë e veprojnë në këtë vend. Kënaqësi ishte të dëgjojmë nga afër sukeset në bizneset e tyre të cilët ndër vite i kanë krijuar me mund në Hungari. Edhe pse nuk jetojnë në Kosovë, interesi i tyre për ta parë Kosovën të zhvilluar dhe me progres, nuk mungon asnjëherë. NDRYSHIMI, është i domosdoshëm për të arritur zhvillimin dhe progresin për Kosovën me programin e Lidhjes Demokratike. 9 shkurti, është dita kur duhet të përkrahet Lidhja Demokratike e Kosovës, për familjet tona, për zhvillim dhe fuqizimin e shtetit tonë Kosovës. Faleminderit për mikpritjen bashkatdhetarë! Faleminderit për mikpritjen Hasjanë!”, ka shkruar Selmanaj në Facebook./TVPrizreni/