Komuna e Prizrenit ka njoftuar se së shpejti fillon realizimi i projektit për rregullimin e komplet infrastrukturës në Sheshin “Shatërvan”.
Njoftimi i plotë:
Së shpejti fillon realizimi i projektit për rregullimin e komplet infrastrukturës në Sheshin “Shatërvan”.
Kryetari Shaqir Totaj, në takimin e sotëm me përfaqësuesit e KEDS-it, të udhëhequr nga Zyrtari i Pajtueshmërisë në KEDS, Avni Alidemaj, diskutoi për shtrimin e rrjetit të kabllove nëntokësore të rrymës, përfshirë dhe ato të operatorëve të furnizimit me internet e shërbime të tjera teknologjike.
Punimet do të realizohen me dinamikë të përshpejtuar duke pasur parasysh numrin e madh të bizneseve që operojnë në qendër të Prizrenit.
Projekti do të përmbyllet me rregullimin e kalldrëmit, i cili do ta rikthej pamjen e merituar të kësaj zone të qytetit tonë.