Emisari gjerman për Ballkanin Perëndimor, Manuel Sarrazin, ka përfunduar vizitën e tij të parë zyrtare në Kosovë dhe tha se po kthehet në Gjermani me përshtypje tejet të mira për Kosovën.
“Rrugës për në Hamburg me plot mbresa nga Kosova. Faleminderit për diskutimet intensive dhe të hapura. Mirupafshim për tani!”, ka shkruar Sarrazin në Twitter.
Emisari i qeverisë gjermane gjatë kësaj vizite dha mesazhe të qarta se Gjermania e mbështet fuqishëm Kosovën për t’u anëtarësuar në Këshillin e Europës.
“Pozicioni i Gjermanisë është i qartë: Kosova është zemra e Europës dhe përket në Këshill të Europës. Dje, e sigurova ministren e Jashtme, Donika Gërvalla, për mbështetjen tonë për anëtarësim”, ka shkruar sot Sarrazin në Twitter.