Nënkryetari i komunës së Skënderajt, Sami Lushtaku, përmes një postimi në Facebook, u ka uruar ngushëllime familjes së bashkëluftëtarit të tij, Skender Sallauka, pas vdekjes së nënës së tij, Zyhra Sallauka.
“Nëna Zyhrë ishte një grua e fortë dhe me zemër të madhe, që në periudhat më të vështira të ilegalitetit, gjatë rrugëve për në Shqipëri dhe kthimin prapa, na ka mirëpritur në shtëpinë e saj dhe na ka përgatitur ushqim mua dhe shumë bashkëluftëtarëve të tjerë. Do ta kujtojmë gjithmonë për humanizmin dhe virtytet e saj fisnike. Ngushëllimet më të sinqerta bashkëluftëtarit Skender, gjithë miqve dhe dashamirëve!”, shkroi Lushtaku në postimin e tij.
Zyhra Sallauka ishte nëna e ushtarit të UÇK-së, Skender Sallauka. Zyhra Sallauka, gruaja e cila u bëri konak luftëtarëve të Ushtrisë Çlirimtare të Kosovës (UÇK) gjatë viteve të vështira të luftës, ka ndërruar jetë gjatë ditës së djeshme. Varrimi i saj është bërë sot në varrezat e qytetit të Prizrenit.
