Rrjeti i Organizatave të Kulturës në Prizren reagojnë ndaj DKRS-së lidhur me “zvarritjen” e procesit të subvencioneve kulturore për vitin 2026

Sipas tyre, si pasojë e kësaj qasjeje, organizatat që prej dekadash kontribuojnë në zhvillimin e kulturës dhe turizmit në Prizren, përfshirë edhe organizatat që përfaqësojnë dhe promovojnë trashëgiminë, identitetin dhe diversitetin e komuniteteve të ndryshme të qytetit, janë lënë anash dhe përjashtuar nga proceset mbështetëse pa kritere të qarta, transparente dhe të qëndrueshme.

“I bëjmë thirrje udhëheqësisë së Komunës: Kultura nuk është lëmoshë, por identiteti i Prizrenit! Mjaft me injorim administrativ. Andaj kërkojmë:
1: Publikimi i menjëhershëm i listës përfundimtare të subvencioneve.
2: Shqyrtim transparent, i drejtë dhe profesional i të gjitha ankesave të dorëzuara.
3: Rishikim i buxheteve dhe kthim i mbështetjes për organizatat që mbajnë gjallë jetën kulturore në qytet.
Komuniteti kulturor ka qenë dhe mbetet hisedar kyç i Prizrenit për dekada me radhë, andaj zbehja e mbështetjes në vitin 2026 nuk përbën thjesht një dështim administrativ, por një goditje direkte në tendencën e kontrollit dhe dobësimit të skenës së pavarur kulturore. Kjo qasje e qëllimshme synon të cenojë autonominë tonë operative dhe të zbehë zërin kritik të organizatave që kanë ndërtuar dhe mbajtur gjallë identitetin e këtij qyteti. Presim zgjidhje të drejtë TASH!” – thuhet në reagim.