Dhjetëra vetura të KFOR-it po monitorojnë situatën në veri, të pozicionuara rreth 1 kilometër larg vendit ku ka ndodhur shpërthimi në Zubin Potok. Trupat janë vendosur tash e disa orë, përderisa prezenca e tyre në atë pikë po shtohet në vazhdimësi.
Gazetarja Adelina Ahmeti që po raporton nga vendi i ngjarjes thotë se janë parë makineri normale me të cilat ata zhvillojnë veprimtarinë e tyre, si dhe disa kamionë që ata i kanë pozicionuar në mes të stacionit policor në Zubin Potok dhe në pjesën e Zupçit.
- Reklama -
Numri i pjesëtarëve të KFOR-it është jashtëzakonisht i lartë. Një pjesëmarrje kaq e lartë e tyre nuk është parë që prej kohës së zgjedhjeve të jashtëzakonshme në katër komunat veriore.
- Reklama -