Fluksi i ardhjes së mërgimtarëve në Kosovë ka nisur të rritet me intensifikimin e sezonit të pushimeve verore. Vetëm gjatë ditës së sotme, në Aeroportin Ndërkombëtar “Adem Jashari” në Prishtinë pritet të aterojnë rreth 60 aeroplanë nga destinacione të ndryshme ndërkombëtare.
Pjesa më e madhe e fluturimeve pritet të vijnë nga Zvicra, Gjermania, Turqia dhe Austria, vende ku jeton një numër i madh i komunitetit shqiptar jashtë vendit.
Me nisjen e pushimeve verore, shumë bashkatdhetarë kanë filluar kthimin në Kosovë për të kaluar kohë pranë familjeve dhe të afërmve, ndërsa në mesin e udhëtarëve ka edhe vizitorë të huaj.
Autoritetet e Aeroportit Ndërkombëtar “Adem Jashari” presin që numri i udhëtarëve të vazhdojë të rritet gjatë fundjavës, e cila pritet të jetë një nga periudhat më të ngarkuara të sezonit veror.
Klikoni KËTU për tu bërë pjesë e kanalit të TV Prizreni në Youtube.
