Rreth 40 persona janë vrarë dhe 115 të plagosur – shumë prej tyre rëndë – në një zjarr që ndodhi në një bar zviceran në vendpushimin Crans-Montananë natën e Vitit të Ri, thotë Policia, raporton BBC, që përmes një materiali përmbledhës kanë dhënë detaje në lidhje me shpërthimin që ndodhi në natën e Vitit të Ri.
Gjashtëdhjetë persona po marrin kujdes në spitalin Sion, thonë zyrtarët, ndërsa pacientët po trajtohen edhe në spitale të tjera aty pranë.
Presidenti zviceran Guy Parmelin thotë se zjarri është “një nga tragjeditë më të këqija që ka përjetuar vendi ynë”.
Arrita të thyeja një dritare” – thotë një burrë që iku nga bari. “Gjysma e rrobave të mia ishin zhdukur. Ishte çmenduri”.
Shkaku i zjarrit nuk është konfirmuar, por zyrtarët kanë përjashtuar një sulm. Disa dëshmitarë mendojnë se “qirinjtë e ditëlindjes”, mbi një shishe shampanje, i vunë flakën tavanit.
Policia tha se persona me kombësi të ndryshme ishin të përfshirë në zjarrin i cili ndodhi në orën 01:30 sipas orës lokale (00:30 GMT) në një bar të quajtur Le Constellation në vendpushimin e Crans-Montana.
Po trajtohet si zjarr dhe “nuk ka dyshim” për një sulm, tha kryeprokurori i rajonit.
Shumica janë dërguar në spitalin Valais ku njësia e kujdesit intensiv është tani plot, sipas autoriteteve lokale.
Një Njësi e Rasteve të Djegieve në Milano në Italinë fqinje është vënë në dispozicion.
Dhjetë helikopterë, 40 ambulanca dhe 150 punonjës të urgjencës u dërguan në vendngjarje.
“Puna po vazhdon për të identifikuar viktimat dhe për t’u kthyer trupat familjeve sa më shpejt të jetë e mundur” – tha kryeprokurorja e rajonit Beatrice Pilloud.
Ambasadori italian në Zvicër thotë se mund të duhen javë për të identifikuar të vdekurit. Më parë, ministri i jashtëm i Italisë tha se identifikimi do të jetë i vështirë për shkak të djegieve të rënda.
Besohet se njerëz nga disa vende janë të përfshirë dhe media franceze ka raportuar se të paktën dy nga të plagosurit janë shtetas francezë.
Presidenti francez Emmanuel Macron i ka ofruar Zvicrës “solidaritetin e plotë të Francës dhe mbështetjen tonë vëllazërore”.
Ambasada e Mbretërisë së Bashkuar në Zvicër thotë se po monitoron situatën, por nuk është kontaktuar për ndihmë.
Stafi konsullor është në gatishmëri për të mbështetur çdo shtetas britanik të prekur, thuhet në një deklaratë të Ministrisë së Jashtme.
Edhe Ambasada e Kosovës në Bernë të Zvicrësështë duke monitoruar zhvillimet në Crans-Montana, ku dhjetëra persona dyshohet se kanë vdekur dhe afër 100 të tjerë janë plagosur pas një shpërthimi në një bar.
Misioni diplomatik është shprehur se “është në gjendje gatishmërie t’iu ndihmoj qytetarëve të saj”, duke publikuar numrat kontaktues emegjentë.
“Nëse keni nevojë për ndihmë, lajmërohuni në numrin emergjent të ambasadës +41 77 479 11 86. Numri emergjent zviceran për familjet e brengosura: +41 848 112 117”- njofton Ambasada.