Institucionet mikrofinanciare që veprojnë në tregun e Kosovës gjatë periudhës janar-tetor 2021 kanë arritur t’i fitime të pastra në vlerë prej rreth 12 milionë euro, raporton portali Front Online.

Këto institucione sivjet kanë “trashur” dukshëm fitimet, derisa vitin e kaluar kanë operuar me humbje.

Sipas Bankës Qendrore të Kosovës (BQK) në periudhën janar-shtator të vitit të kaluar, institucionet mikrofinanciare kishin raportuar humbje prej 2.7 milionë €.

Fitimet e larta të institucionet mikrofinanciare janë rezultat i normave të larta të interesit në kredi, ku shumica e kredive kanë kamata dyshifrore.

Përndryshe, në Kosovë operojnë 30 institucione mikrofinanciare, të cilat i kanë të punësuar 1284 veta. Dymbëdhjetë institucione mikrofinanciare në Kosovë kanë pronësi të huaj. /Front Online/