Policia e Kosovës ka njoftuar se tre persona kanë pësuar lëndime pasi që janë përfshirë në një rrahje mes disa personave, që ka ndodhur në rrugën “Skënderbeu” në Suharekë.
Sipas Policisë për këtë rast janë arrestuar 6 persona, pesë prej të cilëve pas intervistimit janë dërguar në mbajtje e një është liruar në procedurë të rregullt.
“Rr. Skënderbeu, Suharekë 11.01.2024 – 10:30. Raportohet për një rrahje në mes të disa personave në një restorant. Tre viktima meshkuj kosovarë kanë pësuar lëndime dhe kanë pranuar tretman mjekësor, ndërsa gjashtë të dyshuar meshkuj kosovarë janë intervistuar. Me vendim të prokurorit pestë të dyshuar janë dërguar në mbajtje, ndërsa një është liruar në procedurë të rregullt”, thuhet në raportin e Policisë.
