Të shtunën e 9 tetorit, u rivarrosën në Rezallë të Skenderajt mbetjet mortore të shtatë personave që u vranë në luftën e fundit në Kosovë.

Shtatë viktimat u kthyen në Kosovë më 30 shtator dhe iu dorëzuan autoriteteve të vendit. Këta të shtatë janë nga 98 viktimat e tjerë që u vranë në fshatin Rezallë më 5 prill 1999.

Mbetjet mortore të këtyre shtatë viktimave u gjetën në varrezën masive në Kizhevak të Serbisë. Disa mbetje mortore të dy viktimave ishin gjetur më herët në Rudnicë të Serbisë dhe iu bashkuan mbetjeve të tjera mortore që u gjetën në Kizhevak.