Pas fundjavës me temperatura pranverore, dimri është rikthyer në Opojë të Dragashit me reshje bore.
Gjatë natës dhe mëngjesit të sotëm, zonat malore të kësaj treve janë mbuluar me një shtresë dëbore.
- Reklama -
Ky mot ka krijuar një kontrast të dukshëm me motin e ngrohtë që pati mbizotëruar në këto anë gjatë ditëve të fundjavës.
Megjithatë, banorët kanë bërë të ditur se reshjet nuk kanë ndikuar në qarkullimin e automjeteve, pasi rrugët janë të kalueshme, veçanërisht ato që lidhin fshatrat me qendrën e Dragashit.
Sipas parashikimeve meteorologjike, temperaturat do të mbeten të ulëta në ditët në vijim dhe pritet që gjatë fundjavës të jenë në rritje.
- Reklama -