Njëri nga të dyshuarit për dhunimin e 11-vjeçares në Prishtinë, Ekrem Rexhepi, është sulmuar fizikisht nga të burgosurit e tjerë në Qendrën e Paraburgimit në Prishtinë.
Rastin e ka konfirmuar për lajmi.net avokati i të dyshuarit, Fitim Limani.
“Po është e vërtetë që është sulmuar nga të burgosurit e tjerë në Qendrën e Paraburgimit në Prishtinë. Kanë intervenuar gardianët dhe tani është transferuar në Burgun e Sigurisë së Lartë në Dyz”, ka thënë Limani.
Avokati ka bërë të ditur se Rexhepi nuk ka pësuar lëndime nga sulmi i të burgosurve pasi që reagimi i gardianëve ka qenë i menjëhershëm.
Gjithashtu Limani ka bërë të ditur se klienti i tij nuk ka pranuar trajtim mjekësor pasi që nuk ka pasur lëndime nga sulmi.
Kujtojmë se për rastin e dhunimit të 11-vjeçares në Prishtinë tashmë janë mbajtur dy protesta duke kërkuar dënime maksimale për rastet e dhunimit.
Klikoni KËTU për tu bërë pjesë e kanalit të TV Prizreni në Youtube.
