Ditëve të fundit në Kosovë është rritur numri i të infektuarve me Covid-19.
E, po ashtu edhe rastet e vdekjeve janë shtuar, shkruan Front Online.
Kjo ka bërë që edhe numri i qytetarëve të cilët po testohen për Covid-19 të rritet.
Një lexues i portalit Front Online ka dërguar disa fotografi ku në Institutin Kombëtar për Shëndetësi Publike shihen qytetarë të shumtë të cilët po presin për të kryer testin për Covid-19.
Por, pavarësisht që ky Institut çdo ditë po bën thirrje që të respektohen masat dhe të mbahet distanca në mes qytetarëve, një gjë e tillë pikërisht nuk po ndodhë në këtë institucion.
Siç shihet edhe në fotografi radhët e qytetarëve për të kryer testin janë të mëdha dhe aty nuk po respektohen fare masat.
Gjatë ditës së djeshme në Kosovë nga Covid-19 kanë vdekur katër persona, ndërsa janë regjistruar 568 raste të reja, kurse janë shëruar 295 pacientë./Front Online/
