Qeveria e Serbisë ka miratuar të enjten një vendim që u mundëson qytetarëve të Shqipërisë të hyjnë në territorin e Serbisë pa një dokument udhëtimi.
Ata do të jenë në gjendje të hyjnë në Serbi me një letërnjoftim biometrik.
Vendimi është rezultat i një marrëveshjeje ndërshtetërore të nënshkruar midis dy vendeve, e cila do të lehtësojë qarkullimin e njerëzve, mallrave dhe kapitalit dhe gjithashtu siguron një mundësi për zhvillimin e marrëdhënieve të fqinjësisë së mirë midis vendeve të Ballkanit Perëndimor, tha Zyra e Qeverisë serbe për Bashkëpunim me Media, transmeton Klan Kosova.
Zbatimi i këtij vendimi, siç thuhet, krijon parakushte shtesë për zhvillimin e mëtejshëm të bashkëpunimit ekonomik, shkencor, arsimor, sportiv dhe kulturor midis dy vendeve.
