Qeveria në detyrë e Kosovës mbrëmë ka mbajtur mbledhje elektronike, në të cilën ka marrë tri vendime.
Përmes një komunikate për media, sot janë bërë të ditura vendimet që ka marrë Qeveria në detyrë.
Këto janë vendimet:
Qeveria në detyrë me mbledhje elektronike, merr tri vendime
- Ka miratuar vendimin për emërimin e z. Ragmi Dalipit, drejtor i përgjithshëm i Agjencisë së Shoqërisë së Informacionit.
- Ka miratuar vendimin përfundimtar për shpronësim për interes publik të pronave të paluajtshme ish-shoqërore, të menaxhuara dhe të administruara nga AKP-ja, të cilat janë të nevojshme për realizimin e projekteve të mëposhtme të Komunës së Gjakovës:
Administrimi i objektit të ish-“Bankos”-it për nevoja të administratës së Komunës së Gjakovës, Zona Gjakovë-Qytet, dhe
Ndërtimi i Fushës së Futbollit dhe hapësirave rekreative për fshatin Trakaniq dhe fshatrat rreth zonës Trakaniq, Zona Kadastrale Trakaniq.
Ka miratuar vendimin për ndryshimin dhe plotësimin e Vendimit të Qeverisë Nr. 11\08 të datës 03.04.2026 për emërimin e Komisionit për shqyrtimin dhe vendosjen e zyrtarizimit të gjendjes faktike dhe mospërputhjeve me Regjistrin e të Drejtave të Pronës së Paluajtshme, sipas të cilit znj. Ervina Gashi, nga Zyra e Kryeministrit, zëvendësuese e anëtarit, zëvendësohet nga znj. Besnike Mehmeti, nga Zyra e Kryeministrit, zëvendësuese e anëtarit.
Klikoni KËTU për tu bërë pjesë e kanalit të TV Prizreni në Youtube.
Të tjera nga rubrika
Haxhiu u jep kohë partive për konsulta: Ka kohë deri më 7 gusht për seancë konstituive
11 nga 31 të dyshuarit për helmim nga ushqimi në QKUK rezultojnë pozitivë me salmonella
Kurti priti në takim sekretarin e Përgjithshëm të OSBE-së
