Qeveria në detyrë e Kosovës, ka mbajtur mbledhje elektronike të mërkurën, më 07.05.2025, me ç’rast ka aprovuar kërkesën së Ministrisë së Mbrojtjes për dërgimin e Kontingjentit të Forcës së Sigurisë së Kosovës në operacion humanitar në Shqipëri.
Në një komunikatë për media bëhet e ditur se mjetet financiare për dërgimin e Kontingjentit të FSK-së në këtë operacion humanitar, sigurohen nga Buxheti i Kosovës.
Tutje, bëhet e ditur se Ministria e Mbrojtjes është e përgatitur që të mbështetës Shqipërinë me një Kontingjent për nevojë humanitare, përkatësisht operacionin humanitar kërkim shpëtim, në vendin e quajtur “Qafën e Burrelit”, Bashkësia Klos.
“Kjo mbështetje është në kuadër të partneritetit strategjik me shtetet mike e në veçanti me Shqipërinë, me këtë rast për mbështetje të autoriteteve të shtetit shqiptar”- shkruhet ndër të tjera në komunikatë.
Klikoni KËTU për tu bërë pjesë e kanalit të TV Prizreni në Youtube.
