Qeveria e Kosovës ka uruar është një herë qytetarët për liberalizimin e vizave. Qeveria ka shpërndarë një video në rrjetin social Facebook, ku ndër të tjera janë përmbledhur sekuenca nga konferenca për media e kryeministrit Albin Kurti e zëvendëskryeministres Donika Gërvalla, që është mbajtur të hënën në Aeroportin Ndërkombëtar të Prishtinës “Adem Jashari”, në ditën e parë të liberalizimit të vizave.
“Të gjithë qytetarëve, edhe një herë urime viti i ri 2024, e për herë të fundit, urime liberalizimi i vizave. Kudo që të udhëtojmë, le ta kujtojmë e kurrë mos të harrojmë, se shtëpia jonë është Kosova jonë e dashur”, thuhet në këtë njoftim./KOHA/
