Për shkak të numrit të rritjes së infektimeve me Covid19 Qeveria kanadeze pritet të shtrëngoj masat për parandalimin e shpërndarjes së virusit.
Donat Syla, Shef i Misionit në Konsullatën e Përgjithshme e Republikës së Kosovës në Toronto – Kanada përmes një njoftimi ka bërë të ditur se të gjithë pasagjerët që tani e tutje udhëtojnë në Kanada përveç testit negativ iu kërkohet edhe karantinimi i detyrueshëm 3 ditor në njërën nga hotelet që do paguajnë 2.000 dollarë.
Syla tha se të gjitha fluturimet nga Karaibet dhe Meksika pezullohen deri më 30 prill 2021.
“Qeveria kanadeze përmes një njoftimi bën të ditur se do të shtrëngojë edhe më shumë masat në kuadër të parandalimit të përhapjes së pandemisë COVID 19.Të gjithë pasagjeret që tani e tutje udhëtojne drejt Kanadasë përmes linjave ajrore, përveç testit negativ COVID 19 dhe mbushjes së aplikacionit online ArriveCan, do t’u kërkohet edhe karantinim i detyrueshëm 3 ditor në një nga hotelet e përzgjedhura prej qeverisë kanadeze me kosto $2,000 dollarë kanadez që do t’i faturohen çdo udhëtari qe hyn ne Kanada. Më tej karantinimi do të vazhdojë në banesë për 11 ditë të tjera. Gjithashtu, të gjitha fluturimet nga Karaibet dhe Meksika pezullohen deri më 30 prill 2021”, shkroi ai.