Disa studentë të cilët tashmë janë pranuar në konvikte e mensë në Prishtinë, po mundohen të bëjnë manipulime me vendet të cilat i kanë zënë, duke i shitur ato.
Këtë biznes ata po e bëjnë përmes rrjeteve sociale, por sipas drejtorit të konvikteve, Fatmir Sfishta, nuk ka pasur gjasa të realizohen këto keqpërdorime.
“S’ka asnjë mundësi sepse ne ato kartela i japim në momentin që vjen studenti me mjet identifikimi me kartelë të studentit, ne atij studenti ia japim kartelën dhe bëhet identifikimi i kohëpaskohshëm”, ka thënë ai.
