Punëtorët e shërbimit të sigurimit fizik të KEK-ut kanë protestuar sot përballë Qeverisë së Kosovës.
Me mbishkrime si “Ne duam të kthehemi, KEK-u ka interes, pse nuk jemi aty” dhe “Ne jemi të huazuar dhe jo të privatizuar”, punëtorët kanë nisur protestën nga sheshi “Zahir Pajaziti” deri në sheshin “Skënderbeu” përballë ndërtesës së Qeverisë.
Në thirrjet e tyre ata kanë kërkuar nga kryeministri Albin Kurti, të ndalojë padrejtësitë për të cilat thonë se po u bëhen sigurimit fizik të KEK-ut.