Në kuadër të aktiviteteve për shënimin e 12 Qershorit – Ditës së Çlirimit të Prizrenit, këngëtarët nga Zhuri, Faruk Hoxhaj dhe Miran Memaj, gjatë ditës së djeshme kanë publikuar këngën më të re kushtuar dëshmorëve të Lezit.
Kënga vjen si një homazh për luftëtarët e rënë për liri, ndërsa përmes vargjeve përkujtohen edhe dëshmorë të tjerë të zonës, me rastin e 27-vjetorit të çlirimit, duke përcjellë mesazhin e kujtesës dhe mirënjohjes për ata që sakrifikuan jetën për atdheun.
Tekstin e këngës e ka shkruar Fatmir Berisha, muzikën e ka realizuar Arben Bytyqi, ndërsa interpretimi është bërë nga Miran Memaj dhe Faruk Hoxhaj.
