Për disa afganë të cilët u evakuuan pasi vendi i tyre ra në duart e talebanëve verën e kaluar, udhëtimi për në Shtetet e Bashkuara ka ngecur dhe ndoshta ka përfunduar, duke ngelur në një grup çadrash dhe banesa të përkohshme në një bazë amerikane në Ballkan, shkruan Associated Press të premten, duke aluduar në kampin Bonbdsteel në Ferizaj.
Ndonëse më shumë se 78,000 afganë kanë mbërritur në SHBA për rivendosje që nga gushti, e ardhmja për ata që janë vënë për verifikim shtesë të sigurisë dhe po mbahen në kampin Bondsteel, në shtetin e vogël të Kosovës, mbetet në ajër. Mirëpo, SHBA-ja nuk do t’i detyrojnë dhjetëra persona atje të kthehen në Afganistan, ku mund të përballen me hakmarrje.
Zhgënjimi i tyre po rritet. Disa afganë në bazën, e cila është mbuluar me fshehtësi, ndërmorën hapin e pazakontë këtë javë duke organizuar një protestë, duke mbajtur pankarta me mesazhe të tilla si “Ne duam drejtësi”, sipas fotove të dërguara në AP.
“Ata thjesht vazhdojnë të përsërisin të njëjtat gjëra, se kjo kërkon kohë dhe ne duhet të jemi të durueshëm”, tha një nga afganët, Muhammad Arif Sarëari, në një mesazh me tekst nga baza.
Ankesat e tyre hapin një dritare në një aspekt të evakuimit dhe zhvendosjes së afganëve që ka marrë pak vëmendje sepse autoritetet amerikane dhe Qeveria e Kosovës, kanë hezituar të flasin shumë për njerëzit e dërguar në Bondsteel.
Sarwari, një ish-zyrtar i lartë i inteligjencës me qeverinë afgane, tha se në Bondsteel janë rreth 45 persona, që përfaqësojnë rreth 20 raste individuale të vizave.
Administrata e Bidenit nuk do të japë detaje, por pranon se disa nga të evakuuarit nuk ia dolën ta kalojnë atë që e quan “një proces shqyrtimi dhe verifikimi me shumë rigorozitet”, dhe nuk do të lejohen të hyjnë në SHBA.
“Ndërsa shumica dërrmuese e të evakuuarve afganë janë pastruar përmes këtij procesi, numri i vogël i individëve që janë mohuar janë shembuj të sistemit që funksionon saktësisht siç duhet”, tha Sean Savett, një zëdhënës i Këshillit të Sigurisë Kombëtare.
Në total, rreth 600 afganë kanë kaluar nëpër Bondsteel, sipas Qeverisë së Kosovës, e cila fillimisht autorizoi përdorimin e bazës për të evakuuarit për një vit, por së fundmi ra dakord ta zgjasë atë deri në gusht të vitit 2023.
Kosova, e cila fitoi pavarësinë nga Serbia në vitin 2008 me mbështetjen e SHBA-së, ka dhënë gjithashtu pak informacion për afganët në Bondsteel, duke përmendur privatësinë e refugjatëve. Kryeministri Albin Kurti përmes një deklarate ka thënë se qeveria është krenare për rolin e saj në sigurimin e strehimit të përkohshëm për ta.
Afganët janë vendosur në një seksion të Bondsteel të quajtur Camp Liya, i quajtur sipas një fëmije afgan që iu dorëzua marinsave amerikanë mbi një gardh në Aeroportin Ndërkombëtar Hamid Karzai gjatë evakuimit, sipas një botimi ushtarak amerikan.
