Forca të shtuara të Policisë janë vendosur rreth objektit të EULEX-it në Prishtinë, ku ndodhet edhe Zyra e Dhomave të Specializuara të Kosovës.
Masat e shtuara të sigurisë janë ndërmarrë pas shpalljes së aktgjykimit ndaj ish-krerëve të Ushtrisë Çlirimtare të Kosovës në Hagë.
Dhjetëra protestues janë mbledhur para objektit të EULEX-it, duke kërkuar drejtësi për ish-krerët e UÇK-së pas vendimit të Dhomave të Specializuara.
Ndërkohë, shpallja e aktgjykimit është ndjekur edhe në mbarë Kosovën por edhe në Hagë, ku qytetarë të pranishëm kanë shprehur kundërshtimin e tyre ndaj vendimit të Dhomave të Specializuara.
Dhomat e Specializuara në Hagë dënuan në shkallën e parë Hashim Thaçin dhe Jakup Krasniqin me nga 25 vjet burgim, Kadri Veselin me 18 vjet dhe Rexhep Selimin me 13 vjet burgim./RTK
Klikoni KËTU për tu bërë pjesë e kanalit të TV Prizreni në Youtube.
