Në takimin e mbajtur dje të Institutit të Shëndetit Publik dhe Komitetit për Koordinimin dhe Vlerësimin e Situatës Emergjente me Covid-19 janë propozuar disa masa të reja, ndër to edhe mbyllja e pjesshme vendit në vikend.
Në propozim vendimin e siguruar nga Gazeta Online “Reporteri.net”, parashihet që të gjitha subjekteve afariste dhe bizneseve, qendrave tregtare e rekreative, supermarketeve dhe subjekteve që ofrojnë shërbimet e gastronomisë t’u ndalohet veprimtaria nga ora 20:00 e ditës së sotme, e deri të hënën në ora 05:00.
Të liruara nga kjo masë janë: furrat e bukës, maketet e vogla, pompat e benzinës, institucionet shëndetësore publike dhe private, si dhe operatorët ekonomikë.
Ky propozim vendim pritet që para orës 17:00 të votohet në mbledhjen virtuale të Qeverisë së Kosovës që do të mbahet sot.
Situata me pandeminë në Kosovë po shënon rekorde në ditët e fundit, ku vetëm gjatë ditës së djeshme janë konfirmuar 661 raste të reja. /Reporteri.net
