Prokuroria Speciale e Republikës së Kosovës ka sqaruar se rasti për të cilin po raportohet se është hedhur kallëzimi penal ndaj ish-ministrit të Bujqësisë, Faton Peci, nuk ndërlidhet me hetimet që janë duke u zhvilluar lidhur me dyshimet për keqpërdorim të granteve në sektorin e bujqësisë.
Sipas Prokurorisë, rasti në fjalë ka të bëjë me një kallëzim penal të paraqitur nga subjekti politik LDK, i cili ndërlidhet me çështjen e ushtrimit të dy funksioneve në Kuvendin dhe Qeverinë e Kosovës.
