Kryeministri në detyrë i Kosovës, Albin Kurti, ka njoftuar se sot është procesuar pagesa për grupin e parë të studentëve që janë kualifikuar si përfitues të shumës së njëhershme prej 100 eurove, me rastin e fillimit të vitit të ri akademik.
Kurti ka bërë të ditur se janë gjithsej 49,623 studentë përfitues të të gjitha drejtimeve e institucioneve arsimore, publike e private që janë procesuar me grupin e parë.
- Reklama -
Ndërkaq, sipas Kurtit, pjesa e mbetur e aplikuesve që plotësojnë kriteret për përfitim do të shqyrtohen dhe procesohen me grupin e dytë në ditët në vijim.
“Me qeverinë tonë, studentët çdoherë do të kenë mbështetjen e shtetit”, shton ai.
- Reklama -