Ministria e Shëndetësisë ka njoftuar se në 24 orët e fundit janë administruar 5 mijë e 287 doza të vaksinës kundër Covid-19.
MSh-ja ka njoftuar se nga 5 mijë e 287 doza kundër virusit që janë administruar sot, 658 prej tyre janë dhënë në komunën e Prizrenit.
Në Prishtinë për 24 orë janë administruar 539 doza të vaksinës, në Ferizaj 403 doza të vaksinës, në Gjilan janë administruar 313 doza të vaksinës.
Kurse në komunën e Pejës janë administruar 308 vaksina brenda një dite, në atë të Skenderajt 293, në Malishevë 270 doza të administruara, në Gjakovë janë 265 doza të vaksinës brenda një dite. Kurse, në Podujevë janë administruar 258 doza dhe në Mitrovicë 242.
Sipas MSh-së, numri total i dozave të administruara ka shkuar në 1.525.230.
Të vaksinuar me dozën e parë janë 834 qytetarë, teksa me të dyja dozat janë vaksinuar 691.004 qytetarë.
Ndërkohë, në 24 orët e fundit në Kosovë janë shënuar 16 raste pozitive me koronavirus.
Gjatë kësaj kohe janë shëruar 45 persona, teksa nuk është shënuar asnjë rast i vdekjes. Numri i rasteve aktive është 481.